- बर्दियामा एम्बुलेन्सको ठक्करबाट एकै परिवारका दुई जनाको मृत्यु भएको छ ।
- दुर्घटनामा अन्य दुई जना घाइते भएका छन् ।
- कोहलपुरबाट राजापुरतर्फ जाँदै गरेको एम्बुलेन्सले पैदलयात्रीलाई ठक्कर दिएको हो ।
काठमाडौ – बर्दियामा एम्बुलेन्सको ठक्करबाट एकै परिवारका दुई जनाको मृ`त्यु भएको छ भने दुई जना घाइते भएका छन् ।
बाँकेको कोहलपुरबाट बर्दियाको राजापुरतर्फ जाँदै गरेको लुम्बनी प्रदेश बी एए ०३०५ नम्बरको एम्बुलेन्सले आज बिहान करिब सवा पाँच बजेतिर गुलरिया नगरपालिका–७ स्थित वन डिभिजन कार्यालय नजिक चार जना पैदलयात्रीलाई ठक्कर दिएको हो ।
एम्बुलेन्सको ठक्करबाट गुलरिया नगरपालिका–५ का ५५ वर्षीय भूमि लामिछाने र उनका अन्दाजी ७ वर्षीय नाति रिहान्सको दुई जनाको मृत्यु भएको जिल्ला प्रहरी कार्यालय बर्दियाका सूचना अधिकारी प्रकाशसिंह कार्कीले जानकारी दिएका हुन ।
एम्बुलेन्सको ठक्करबाट मृ`त्यु भएका लामिछाने योग गुरुसमेत रहेको स्थानीय बताएकाछन ।
दुर्घटनामा योग गुरु लामिछानेकी पत्नी ५० वर्षीया सीता र अर्का ६५ वर्षीय स्थानीय सूर्य उपाध्याय घाइते छन् । घाइते दुवै जनालाई नेपालगञ्ज नर्सिङहोममा उपचारका लागि पठाइएको प्रहरी निरीक्षक कार्कीले भने।
बिहान योग गर्न गइरहेका उनीहरुलाई तीव्र गतिको एम्बुलेन्सले ठक्कर दिएको थियो ।
