नेपाल खोज खबर संवाददाता रतन रावल मुगु — अक्कल कोपिला फाउन्डेसनले मुगु जिल्लाका विभिन्न विद्यालयमा अध्ययनरत विद्यार्थीहरूलाई शैक्षिक सामग्री वितरण गरेको छ।
छायाँनाथ रारा नगरपालिका–९ मुर्मा गाउँस्थित श्री राष्ट्र माध्यमिक विद्यालयका ९३ जना विद्यार्थीलाई पाँच–पाँच वटा कापी, दुई–दुई वटा डट पेन, इलिजर र अशक्त, अपाङ्गता तथा टुहुरा पाँच बालबालिकालाई कपडा सहितका सामग्री वितरण गरिएको हो।
त्यस्तै, सोही दिन छायाँनाथ नगरपालिका–३ माथि तुमा स्थित श्री नेपाल आधारभूत विद्यालयका १४ जाना विद्यार्थीलाई पाँच–पाँच वटा कापी, डट पेन, सिसाकलमसहित चप्पल प्रदान गरिएको छ।
साथै, विद्यालय व्यवस्थापन कार्यलय सयोगि लाई एक जोर ड्रेस समेत हस्तान्तरण गरिएको हो ।
फाउन्डेसनले भोलि छायाँनाथ रारा नगरपालिका–८ चुगा गाउँका ३२ जना विद्यार्थीलाई पनि शैक्षिक सामग्री वितरण गर्ने घोषणा गरेको छ।
साथै, मुगम कारमारुङ गाउँपालिका–९ स्थित राष्ट्रिय आधारभूत विद्यालयका ८२ विद्यार्थीलाई पनि आजै शैक्षिक सामग्री वितरण गरिएको छ।
अक्कल कोपिला फाउन्डेसनका संस्थापक अक्कल बोहोराले देशभरका विपन्न, दुःखी अ सहारा नपाएका व्यक्तिहरूलाई निरन्तर सहयोग पुर्याउँदै आएका छन्। मुगुमा धर्मशाला, मठ–मन्दिर र विद्यालयहरूमा समेत ठूलो योगदान पुर्याउँदै आएका बोहराले अहिलेसम्म करिब ३ करोड रुपैयाँ बराबरका सामग्री वितरण गरिसकेको फाउन्डेसनले नेपाल खोज खबर लाई जानकारी दिय।
“दिन दुःखी, विपन्न जनताका भगवान बनेर जहाँ दुःख पीडा छ, त्यहाँ पुग्ने हाम्रो संकल्प हो,” संस्थापक बोहोराले बताए।