काठमाडौ – कीर्तिपुरस्थित त्रिभुवन विश्वविद्यालय (टियु) क्रिकेट मैदानमा जारी महिला त्रिकोणात्मक टी-२० अन्तर्राष्ट्रिय (टी-२० आई) सिरिजको अन्तिम खेलमा नेपालले टस जितेर ब्याटिङ गर्ने निर्णय गरेको छ। नेपालकी कप्तान इन्दु बर्माले टस जित्दै पहिले ब्याटिङ रोजेकी हुन्।
यस सिरिजमा नेपालले यसअघि खेलेका पाँचै खेलमा पराजय बेहोरेको थियो। त्यसैले अन्तिम खेलमा जित निकाल्दै सिरिजलाई सकारात्मक ढंगले टुंग्याउने लक्ष्य नेपालले राखेको छ।
नेपालको टिममा दुई परिवर्तन गरिएको छ। आजको खेलका लागि टिममा समावेश खेलाडीहरूमा इन्दु बर्मा (कप्तान), बिन्दु रावल, सम्झना खड्का, अलिशा कुमारी यादव, पुजा महतो, रुविना क्षेत्री, कविता जोशी, राजमती ऐरी, मनिषा उपाध्याय, सिता राना मगर र रचना चौधरी रहेका छन्।
