काठमाडौं ।
प्रधानमन्त्री केपी शर्मा ओलीले आज बिहान ११ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा मन्त्रिपरिषद् बैठक आह्वान गरेका छन्। बैठकमा सरकारका नियमित काम कारबाहीसँगै संसद्मा प्रस्तुत गर्न लागिएका विधेयकका विषयमा व्यापक छलफल हुने जनाइएको छ।
बैठकमा बजेट कार्यान्वयन, कानूनी सुधार, र आगामी सरकारका प्राथमिकताका योजनाहरूका विषयमा छलफल हुने स्रोतले जनाएको छ।
यसैगरी, आजै दिउँसो १ बजे नेकपा एमाले संसदीय दलको बैठक बस्ने कार्यक्रम रहेको छ। उक्त बैठकमा पार्टीभित्रका आन्तरिक विषयवस्तु, संसद्मा सरकारको भूमिकाबारे रणनीतिक छलफल र आगामी राजनीतिक गतिविधिका एजेण्डाहरू तय गरिने अपेक्षा गरिएको छ।
