राजेश बस्नेत
अर्घाखाँची – अर्घाखाँची जिल्लाको मालारानी गाउँपालिका वडा नम्बर ५ पोखरीमुनीस्थित विष्णुप्रसाद भुसालको गोठमा भीषण आगलागी हुँदा ठूलो क्षति पुगेको छ। आगलागीका कारण गोठमा रहेका एक भैंसी र तीनवटा बाख्रा जलेर नष्ट भएका छन्।
गोठबाट फैलिएको आगोले भुसालको घरमा पनि क्षति पुर्याएको छ। घरको सिपको (छानो) जलेर नष्ट हुनुका साथै भित्र रहेका लत्ताकपडा पूर्ण रूपमा जलेका छन्। आगलागीले छिमेकी माधवप्रसाद भुसालको घरमा समेत क्षति पुर्याएको छ, जसका कारण उनको घरको सिपको र लत्ताकपडा पनि जलेर नष्ट भएका छन्।
स्थानीय बासिन्दा र इलाका प्रहरी कार्यालय खनको सहयोगमा आगो नियन्त्रणमा लिइएको छ।
