समाचार सारांश
Auto Generated by AI
- सिन्धुलीको सुनकोशीमा क्रसर उद्योगको पानी पोखरीमा डुबेर आमा र छोरीको मृत्यु भएको छ।
- नुहाउने क्रममा छोरी डुबेपछि बचाउन गएकी आमासमेत पोखरीमा डुबेकी थिइन्।
- घटनापछि गाउँ शोकमा डुबेको छ भने प्रहरीले उद्योग सञ्चालकमाथि अनुसन्धान थालेको छ।
काठमाडौ -सिन्धुलीको सुनकोशी गाउँपालिका–१ आपघारीस्थित क्रसर उद्योगका लागि प्रयोग गरिएको पानी पोखरीमा डुबेर आमा–छोरीको मृत्यु भएको छ। दशैं मनाउन माइती आएकी स्थानीय बद्रीप्रसाद कोइरालाकी छोरी सतीदेवी कोइराला र उनकी छोरीको पोखरीमा डुबेर मृ`त्यु भएको हो।
बिहीबार दिउँसो करिब २ बजे आमा–छोरी पोखरीमा नुहाइरहेका बेला बालिका खेल्ने क्रममा डुबेकी थिइन्।
- Advertisement -
छोरी पोखरीमा डुबेको खबरसँगै रहेका साथीले दिएपछि उनलाई बचाउन पोखरीमा पसेकी सतीदेवीसमेत डुबेकी थिइन्। घटनामा दुवैको मृत्यु भएको प्रहरीले जनाएको छ।
दशैं मनाउन माइती आएकी चेली र उनकी छोरीको एकैसाथ मृत्यु भएपछि परिवार तथा स्थानीयवासी शोकमा परेका छन्।
घटनाले गाउँमा शोक छाएको छ। घटनाबारे क्रसर उद्योगका सञ्चालकहरूमाथि अनुसन्धान गरिरहेको सिन्धुली प्रहरीले जनाएको छ।
