- गुल्मीको बार्जिङ सामुदायिक वनमा सल्लाका रुख एक्कासी ढल्न थालेका छन्।
- पहिरो र ढुंगा खस्ने जोखिम बढेपछि ३० घरपरिवार विस्थापित भएका छन्।
- स्थानीयवासी सुरक्षित रहन आफन्तको घरमा आश्रय लिएर बसेका छन्।
गुल्मी – गुल्मीमा सामुदायिक वनमा रहेका सल्लाका रुख एकाएक ढल्न थालेपछि ३० परिवार डरले विस्थापित भएका छन् ।
चन्द्रकाेट गाउँपालिका-३ भुल्केस्थित बार्जिङ सामुदायिक वनमा रहेका रुख शनिबार एक्कासी ढल्न थालेका हुन् ।
सल्लाका रुख ढल्ने र ढुंगा खस्ने भएपछि नजिकको बस्ती थप्लुङ भुल्केका स्थानीय ३० घरपरिवारले आफन्तकाेमा आश्रय लिएका छन् ।
निरन्तरकाे वर्षाका कारण पहिरोले रुख ढल्ने र ठूलो ढुंगा खस्नुका साथै पहिरो बस्तीसम्म आउने जाेखिमका कारण स्थानीयलाई सुरक्षित स्थानमा जान सुझाव दिइरहेकाे जिल्ला प्रहरी कार्यालय गुल्मीका प्रमुख प्रहरी उपरीक्षक भीमकिरण बाेगटीले नेपाल खोज खबर लाई जानकारी दिए ।
चन्द्रकाेट गाउँपालिका अध्यक्ष युवराज केसीले भने जाेखिम बढेपछि रातको समयमा हुनसक्ने जाेखिमलाई मध्यनजर गर्दै नजिकको बस्ती का स्थानीय हरुलाई सुरक्षित स्थानमा सारिएको र बस्तीका स्थानीयहरु स्वतस्फूर्त आफन्त छिमेकीमा आश्रय लिएको उनले भने ।
