समाचार सारांश
Auto Generated by AI
- प्रधानसेनापति अशोकराज सिग्देल औपचारिक चीन भ्रमणमा प्रस्थान गर्नुभएको छ।
- उहाँले बेइजिङमा आयोजना हुने १३औँ बेइजिङ स्याङसन फोरममा भाग लिनुहुनेछ।
- भ्रमणका क्रममा उहाँले विभिन्न देशका सैन्य प्रतिनिधिहरूसँग भेटवार्ता गर्नुहुनेछ।
काठमाडौ -नेपाली सेनाका प्रधानसेनापति अशोकराज सिग्देल चीन भ्रमणका लागि प्रस्थान गर्नुभएको छ ।
सैनिक मुख्यालय जंगी अड्डाकाअनुसार प्रधानसेनापति सिग्देल भदौ २८ देखि असोज ३ गतेसम्म चीन भ्रमणमा रहनु हुनेछ ।
भ्रमणका क्रममा उहाँले चीनको राजधानी बेइजिङमा आयोजना हुने १३औँ बेइजिङ स्याङसन फोरममा सहभागिता जनाउने कार्यक्रम रहेको छ ।
प्रधानसेनापति सिग्देललाई त्रिभुवन अन्तर्राष्ट्रिय विमानस्थलमा नेपाली सेनाका बलाधिकृत रथी प्रदीपजंग केसीले बिदाइ गर्नुभएको थियो ।
चीन भ्रमणका क्रममा प्रधानसेनापति सिग्देलले फोरममा सहभागी विभिन्न देशका सैन्य अधिकारी तथा प्रतिनिधिमण्डलसँग भेटवार्ता गर्ने कार्यक्रमसमेत रहेको जनाइएको छ।
