- मुगुको खत्याड गाउँपालिकामा गएराति भएको भीषण आगलागीबाट दुईवटा पसल पूर्ण रूपमा जलेर नष्ट भएका छन्।
- आगो निभाउने प्रयास गर्दा एक स्थानीय सामान्य घाइते भएका छन् भने करिब २० लाख रुपैयाँ बराबरको धनमालको क्षति भएको छ।
- घटनास्थलमा स्थानीय र प्रहरीको संयुक्त प्रयासले आगो नियन्त्रणमा लिएको थियो।
रतन बहादुर रावल मुगु — मुगु जिल्लाको खत्याड गाउँपालिका वडा नं. २ मा गएराति ११:५० बजे आगलागी भएको छ।
विगत दुई-तीन दिनदेखि कोही पनि मानिस नरहेको एउटा घरबाट एक्कासी आगोको ठूलो राप निस्किएको स्थानीय बासिन्दाहरूले बताएका
आगलागीबाट उक्त घरमा सञ्चालित कपडा सिलाउने व्यवसाय (टेलर्स) पूर्ण रूपमा जलेर नष्ट भएको छ। सो घरमा अन्नाम दमाईको ‘अर्जुन टेलर्स’ र विष्णुराज माठाएको कपडा पसल सञ्चालनमा थिए।
आगलागीबाट पसलका सम्पूर्ण सामान तथा कपडाहरू जलेर खरानी भएका छन्।
घटनाका प्रत्यक्षदर्शी कुबेर बुढाका अनुसार राति अचानक आगो देखेपछि स्थानीय बासिन्दाहरू नियन्त्रणका लागि तुरुन्तै सक्रिय भएका थिए।
स्थानीय र प्रहरीको संयुक्त प्रयास र रोहबरमा आगो नियन्त्रणमा आएको हो।
आगो निभाउने क्रममा प्रत्यक्षदर्शी बुढा आफैँ र उनको हातमा सामान्य चोट लागेको छ। आगलागीबाट घर र पसलसहित आगो निभाउन गएका ती प्रत्यक्ष दर्शी स्थानीयवासी कुबेर बुढा भन्नु हुन्छ।करिब २० लाख रुपैयाँ बराबरको धनमाल क्षति भएको अनुमान गरिएको बुढाले जानकारी दिनुभयो।
पछिल्लो एक महिनाको अवधिमा खत्याड गाउँपालिकामा आगलागीबाट दुई घर नष्ट भएको यो दोस्रो घटना हो। यस मौसममा अत्याधिक हावाहुरी चल्ने भएकाले आगोको प्रयोगमा गरिने सानो लापरवाहीका कारण पनि ठूलो क्षति बेहोर्नुपरेको स्थानीय बासिन्दाहरू बताउँछन्।
