समाचार सारांश
Auto Generated by AI
- गुल्मीमा जङ्गली बँदेल धपाउन बिछ्याइएको विद्युतीय तारमा परेर एक महिलाको मृत्यु भएको छ।
- हराइरहेकी ४८ वर्षीया डालकुमारी खत्रीको कोदोबारीमा शव फेला परेको हो।
- घटनामा संलग्न भनिएका ३० वर्षीय सन्तबहादुर विष्टलाई प्रहरीले नियन्त्रणमा लिएको छ।
गुल्मी।गुल्मीमा जंगली बदेल धपाउन बिछ्याइएको विद्युतीय तारमा करेन्ट लाग्दा एक महिलाको मृत्यु भएको छ।
मदाने गाउँपालिका–१ ठुलाचौरस्थित सन्तोष विष्टको कोदोबारीमा ४८ वर्षीया डालकुमारी खत्री मृत अवस्थामा फेला परेकी हुन्। उनी भदौ २२ गते नातिसहित घरबाट निस्किएपछि सम्पर्कविहीन थिइन्।
प्रहरीका अनुसार मकैबारीमा बदेल धपाउन मदाने–१ ओख्ले निवासी ३० वर्षीय सन्तबहादुर विष्टले खुला जीआई तारमा विद्युत् प्रवाह गरी छाडेका थिए। सोही तारमा परी करेन्ट लाग्दा खत्रीको मृत्यु भएको प्रारम्भिक अनुसन्धानबाट खुलेको छ।
घटनापछि प्रहरीले सन्तबहादुर विष्टलाई नियन्त्रणमा लिएको छ। शव पोस्टमार्टमका लागि जिल्ला अस्पताल तम्घासमा राखिएको प्रहरीले जनाएको छ।
