- मुगुका नगर प्रमुख विष्णु कुमार भामले अन्त्येष्टिमा आफैँ बाजा बजाएर उदाहरणीय कार्य गरेका छन्।
- दलित समुदायले मात्र गर्ने काममा सरिक भएर उनले जातीय विभेद अन्त्यको सन्देश दिएका छन्।
- यस कार्यले सामाजिक सद्भाव कायम राख्न र मानवता नै ठूलो धर्म हो भन्ने सन्देश प्रवाह गरेको छ।
मुगु । कर्णाली प्रदेशको हिमाली जिल्ला मुगुको छायाँनाथ रारा नगरपालिका वडा नं ४का ६५ वर्षीय साङ्या रोकाया को आफ्नै कालगतिले निधन भएपछि गरिएको अन्त्येष्टि कार्यक्रममा एक फरक र अर्थपूर्ण दृश्य देखिएको छ। मलामीमा सहभागी भएका मुगु छायाँनाथ रारा का नगर प्रमुख विष्णु कुमार भाम स्वयं आफै बाजा बजाउँदै अघि बढेपछि यो विषय सामाजिक सञ्जालमा भाइरल भइरहेको छ अहिले चर्चामा छ ।
सामान्यतया दलित समुदायसँग मात्र जोडिने र विशेषगरी उनीहरूले गर्दै आएको बाजा बजाउने यो परम्परामा एक जनप्रतिनिधि स्वयं सहभागी हुनु धेरैका लागि नौलो र सन्देशमूलक बन्यो । स्थानीय परम्परा अनुसार अन्त्येष्टिमा बाजा बजाउने जिम्मेवारी प्रायः दलित समुदायले वहन गर्दै
आएका छन् । तर, यो जिम्मेवारी केवल एक समुदायको मात्र नभएर हामी सबैको साझा हो भन्ने सन्देश दिन नगर प्रमुख विष्णु कुमार भाम आफैँले बाजा बजाएको स्थानीयहरूले बताएका छन् ।नगर प्रमुखको यस कदमले कार्यक्रममा उपस्थित विभिन्न जातजाति र समुदायबीच भावनात्मक एकता झल्काएको थियो । शोकको वातावरणमा सबैले मिलेर दिवङ्गतप्रति श्रद्धाञ्जली अर्पण गर्दा सामाजिक सद्भावको बलियो उदाहरण प्रस्तुत भएको थियो ।
त्यस अवसरमा नगर प्रमुख भामले दुःखद घडीमा सहकार्य, सहानुभूति र एकता आवश्यक हुने बताउँदै विभेदरहित समाज निर्माणमा सबैले भूमिका खेल्नुपर्ने धारणा राखे । उनले भने, ‘मानवता नै सबैभन्दा ठूलो धर्म हो, यस्तो समयमा हामी सबै एक भएर उभिनुपर्छ र विभेदका पर्खालहरू भत्काउनुपर्छ भन्नुभयो
