काठमाडौं । बरिष्ठ लोकदोहोरी गायिका लक्ष्मी न्यौपानेले आफ्नो नयाँ गीत “मनको रहर” सार्वजनिक गर्नुभएको छ । यस गीतमा गाउँघरको जीवन, रहर र पीरलाई सरल भाषामा प्रस्तुत गरिएको छ । गीतमा समेटिएको “कहिले यो मन साउने झरी, कहिले हुन्छ चैतको खडेरी, आँशु बरर, कहिले नि नपुग्ने मनको रहर” भन्ने सब्द हरुले श्रोताको मन छुने प्रयास गरेको छ ।
गायिका न्यौपाने लामो समयदेखि नेपाली लोकसंगीतको क्षेत्रमा सक्रिय रहनुभएको छ । उहाँले आफ्ना गीतमार्फत गाउँघरको कथा, मेलापात, रमाइलो, रहर र दुःख–पीरलाई आवाज दिनुहुन्छ । मौलिक शब्द र स्वरमार्फत उहाँले नेपाली संगीत क्षेत्रमा छुट्टै पहिचान बनाउन सफल हुनु भएको छ । यसै कारण उहाँका गीतलाई श्रोता–दर्शकले निकै रुचाउने गरेका छन् ।
आजको युवा पुस्तले पनि उहाँका गित संगीत सानोमा रेडियो क्यासेट हरुमा सुनेको र अहिले सामाजिक संजाल आए पोछी उहाँलाई देखेको चिनेको र आज पनि त्यो बालापनमा सुनेका गित संगित उहाँको नाम सुने बित्तिकै ताजा हुने धेरै दर्शकले भने गरेका हुन्छन् । उक्त गितको भाका स्वर सब्द र टोनले गाउँमा मेला पाता घाँस दाउरा गाई बस्तु चराउन जादा यस्ता गित अत्याधिक रुचाउने गरिन्थ्यो र अहिले पनि गाउँमा यस्तै रुचाउँछन् ।
यस गीतलाई झलक रेग्मीले शब्द तथा संगीत दिनुभएको हो भने रेकर्डिङ रीमा रेकर्डिङ स्टुडियोमा गरिएको हो । भिडियोमा स्मृति तिमिल्सिना ‘गुरुआमा’ ले निर्देशन गर्नुभएको छ भने करण चैसिरले छायांकन र नविन घर्ती मगरले सम्पादन गर्नुभएको छ । पोस्ट प्रोडक्सन एडीभेन्चर इन्टरटेन्मेन्टले गरेको हो ।
गीत सार्वजनिक भएसँगै सामाजिक सञ्जालमा धेरै श्रोता–दर्शकले प्रतिक्रिया दिएका छन् । धेरैले यसलाई “गाउँघरको कथा बोलेको गीत” र “मनको पीडा पोख्ने स्वर” भनेर प्रशंसा गरिरहेका छन् । लोकसंगीतमा निरन्तर सक्रिय गायिका न्यौपानेको यो नयाँ प्रस्तुति पनि श्रोताको मन जित्ने अपेक्षा गरिएको छ । जुन गितमा सब्द भाका लय उत्कृष्ट छ पकै दर्शक स्रोताको मन जित्न सफल हुनेछ ।
उक्त गितकी भिडियो
