काठमाडौं । शनिबारको दिन शनिदेवलाई प्रसन्न पार्न विशेष मानिन्छ। शनिदेवको आराधनाद्वारा जीवनमा सकारात्मक ऊर्जा र शुभ फल प्राप्त हुने विश्वास गरिन्छ।
हिन्दू धर्मशास्त्रअनुसार शनिदेव सूर्यका पुत्र, छायाका सुपुत्र र यमराजका भाइ हुन्। यमुना उनीकी बहिनी हुन्। शनिदेव न्यायका देवता मानिन्छन्, जसले कर्मअनुसार फल दिन्छन्। त्यसैले कडा परिश्रम, अनुशासन र धर्मपालन गर्ने व्यक्ति शनिदेवका प्रिय मानिन्छन्।
शनिदेवको कृपा प्राप्त गर्न शनिबारको दिन विशेष पूजा गर्न सिफारिस गरिन्छ। बिहान स्नान गरी कालो वा निलो वस्त्र धारण गरेर शनिदेवको पूजा गर्दा शुभ फल प्राप्त हुने जनविश्वास छ। शनिको साथ पिपलको रूखमा पानी हाल्नु, कालो तिल दान गर्नु, र छालाका जुत्ता वा चप्पल दान गर्नु पनि अत्यन्तै शुभ मानिन्छ।
त्यसैगरी, शमीको रूखको पूजा गर्नु, हनुमान मन्दिरमा सर्स्युको तेलको दीप बाल्नु र हनुमान चालीसाको पाठ गर्नु शनिदेवलाई खुशी पार्ने उपायका रूपमा वर्णन गरिएको छ।
हिन्दू धर्मशास्त्रका अनुसार शनिदेवलाई प्रसन्न पार्ने व्यक्तिको जीवनमा आत्मबल, धैर्य, र सफलता बढ्दै जाने विश्वास गरिन्छ।