काठमाडौं, २६ असार – त्रिभुवन अन्तर्राष्ट्रिय विमानस्थलमा अबदेखि खादा, माला तथा कुनै संस्थाको पहिचान झल्किने पोसाक र सामग्री प्रयोग गर्न प्रतिबन्ध लगाइएको छ। अध्यागमन कार्यालयले बुधबार एक सूचना जारी गर्दै सुरक्षा संवेदनशीलता र अध्यागमन प्रक्रियालाई व्यवस्थित बनाउन यस्ता वस्तुको प्रयोगमा रोक लगाएको हो।
सूचना अनुसार अध्यागमन प्रक्रियामा सहभागी हुँदा खादा, माला, सजावटी वस्तु (accessories) प्रयोग गर्न पाइने छैन। यस्ता वस्तुले सुरक्षा जोखिम बढाउने, प्रक्रिया ढिलो गराउने र अनावश्यक अव्यवस्था निम्त्याउने भएकाले प्रतिबन्ध गरिएको हो।
त्यस्तै, कुनै समूह, संस्था, ट्राभल एजेन्सी वा म्यानपावर कम्पनीको पहिचान झल्किने पोसाक, टोपी, ब्याच वा अन्य सामग्री प्रयोगमा पनि पूर्ण प्रतिबन्ध लगाइएको छ। यस्तो पहिचानले यात्रुबीच असमान व्यवहार भएको आभास दिलाउन सक्ने भएकाले सबैलाई समान रूपमा व्यवहार गर्न नियम लागू गरिएको बताइएको छ।
नियमको उल्लंघन भएमा कानुनअनुसार कारबाही गरिने र अध्यागमन क्षेत्रको मर्यादा कायम राख्न सबै यात्रु, ट्राभल एजेन्सी र सरोकारवाला पक्षलाई सहयोग गर्न आग्रह गरिएको
