काठमाडौ -‘ लिटिल बुद्ध’ उपमाले परिचित तपस्वी रामबहादुर बम्जन पुनः कारागार चलान भएका छन्।
सम्पत्ति शुद्धीकरण मुद्दामा सोमबार जिल्ला अदालत सर्लाहीका न्यायाधीश जीवनकुमार भण्डारीको इजलासले पुर्पक्षका लागि कारागार चलान गर्न आदेश दिएपछि उनी दोस्रोपटक कारागार चलान भएका हुन्।
- Advertisement -
अदालतको आदेश बमोजिम सोमबार राति नै सर्लाही सदरमुकाम मलंगवास्थित कारागारमा चलान गरिसकिएको प्रहरीले जनाएको छ। बम्जनमाथि गएको फागुन ५ गते अदालतमा सम्पत्ति शुद्धीकरण मुद्दा दर्ता भएको थियो।
यसअघि यौन दुराचार मुद्दामा जिल्ला अदालतबाट दोषी करार भएका बम्जनलाई उच्च अदालत जनकपुरले गत चैत ६ गते सर्लाही जिल्ला अदालतको फैसला उल्ट्याएको थियो। त्यसपछि उनी जेलमुक्त भएका थिए।
