नयाँ दिल्ली – भारत–पाकिस्तानबीचको बढ्दो तनाब र राजनीतिक तथा कूटनीतिक तनावका कारण केही समयका लागि रोकिएको इन्डियन प्रिमियर लिग (आईपीएल) अब पुनः सुरु हुने भएको छ। भारतीय क्रिकेट बोर्ड बीसीसीआईले एक प्रेस विज्ञप्ति जारी गर्दै प्रतियोगिता १७ मे २०२५ देखि पुनः सुरु गरिने जानकारी दिएको हो।
बीसीसीआईका अनुसार रोकिएको प्रतियोगिताका बाँकी खेलहरू नयाँ तालिका अनुसार सञ्चालन गरिनेछ। यसैगरी, आईपीएल २०२५ को फाइनल खेल २६ जुनमा आयोजना हुने तय गरिएको छ।
यसअघि, भारत–पाकिस्तान सीमामा भएको झडप र त्यसपछिका तनावपूर्ण घटनाक्रमका कारण देशको आन्तरिक सुरक्षा चुनौतीलाई मध्यनजर गर्दै प्रतियोगिता स्थगन गरिएको थियो। बीसीसीआई र केन्द्र सरकारले आपसी समन्वयमा सुरक्षाको मूल्याङ्कन गरेपछि प्रतियोगिता पुनः सञ्चालन गर्ने निर्णयमा पुगेका हुन्।
आईपीएलका सुरुवाती चरणका केही खेलहरू सफलतापूर्वक सम्पन्न भइसकेका छन्। बाँकी खेलहरू भने कडा सुरक्षा व्यवस्था र स्वास्थ्य सुरक्षाका मापदण्ड पालना गर्दै विभिन्न स्थानमा सञ्चालन गरिनेछ बताइएको छ ।
क्रिकेट प्रेमी र समर्थकहरू रोकिएको प्रतियोगिता पुनः सुरु हुने भएपछि दर्शकहरू पुनः आफ्ना मनपर्ने टिमको समर्थन गर्न तयार र उत्साहित छ्न ।
