थाइल्याण्ड — सामाजिक सञ्जालमा यौनजन्य भिडियोहरू उत्पादन गरी बिक्री गरेको आरोपमा एक १९ वर्षीया थाई युवती पक्राउ परेकी छन्।
थाइल्याण्डको साइबर अपराध अनुसन्धान ब्यूरोका अनुसार अधिकारीहरूले नोन्थाबुरी क्षेत्रमा छापा मारेर कानफरावी नामकी युवतीलाई पक्राउ गरेको जानकारी दिएका छन्। अनुसन्धानपछि प्रहरीले ‘जिन्जिया’ नामक एक्स (पहिलेको ट्विटर) खाताबाट अश्लील सामग्री पोस्ट हुँदै आएको पत्ता लगाएको थियो।
प्रहरीका अनुसार ती युवतीले अन्य खाताहरूको लिङ्क पनि साझा गर्थिन्, जसका सामग्रीहरू पनि समान खालका थिए। अनुसन्धानले ती सबै खाताहरूको सञ्चालक कानफरावी नै रहेको पुष्टी गरेको छ।
प्रहरीसँगको बयानमा कानफरावीले आफ्नै यौन क्लिपहरू तयार पार्ने, ती सामग्रीहरू अनलाइनमा पोस्ट गर्ने तथा गोप्य समूहहरू मार्फत बेच्ने गरेको स्वीकार गरेकी छन्। उनले सदस्यता शुल्कको माध्यमबाट मात्रै मासिक ७० देखि ९० हजार भाट (नेपाली रुपैयाँमा करिब २.७ लाख) कमाउने गरेको खुलाएकी छन्।
प्रहरीका अनुसार उनले विगत चार वर्षदेखि यस्ता सामग्री उत्पादन र व्यापार गर्दै आएकी थिइन्।
