काठमाडौं: हाल देशमा पश्चिमी वायुको सामान्य प्रभाव कायम रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ।
बिहान कोशी, बागमती र गण्डकी प्रदेशका पहाडी भू-भागमा आंशिक बदली रहे पनि अन्य क्षेत्रमा मौसम मुख्यतः सफा रहेको छ।
तराईका धेरै स्थानमा बाक्लो हुस्सु/कुहिरो लागेको छ, जसले यातायात, हवाई उडान, स्वास्थ्य तथा कृषि क्षेत्रमा प्रभाव पार्न सक्ने सम्भावना रहेको छ।
दिउँसो कोशी प्रदेशका पहाडी भू-भागमा आंशिक बदली रहनेछ भने बाँकी भू-भागमा मौसम सफा रहने अनुमान गरिएको छ।
रातिको समय पनि कोशी प्रदेशका पहाडी भू-भागमा आंशिक बदली रहनेछ, तर अन्य क्षेत्रमा मौसम सफा रहने महाशाखाले जानकारी दिएको छ।
आगामी २४ घण्टामा तराई तथा उपत्यकाका केही स्थानमा बिहानको समयमा हुस्सु/कुहिरो लाग्ने सम्भावना भएकाले महाशाखाले दैनिक जनजीवन, कृषि, स्वास्थ्य, यातायात तथा हवाई उडान प्रभावित हुन सक्ने चेतावनी दिँदै आवश्यक सतर्कता अपनाउन अनुरोध गरेको छ।
