तनहुँ – पृथ्वी राजमार्गअन्तर्गत तनहुँको बन्दीपुर गाउँपालिका–४, ठूलढुंगामा बिहीबार साँझ बस र इभि (EV) माइक्रोबस ठोक्किँदा एक जनाको मृत्यु भएको छ।
मृत्यु हुनेमा धादिङको नीलकण्ठ नगरपालिका–१४ का ३८ वर्षीय रमेश अवस्थी रहेको प्रहरीले जनाएको छ। अवस्थीको उपचारका क्रममा मृत्यु भएको हो।
दमौलीबाट मुग्लिनतर्फ गइरहेको ग १ ख ७३२९ नम्बरको बस र विपरीत दिशाबाट आइरहेको बा ०१–००६ ख ६५०३ नम्बरको इलेक्ट्रिक माइक्रोबस एक आपसमा ठोक्किँदा दुर्घटना भएको हो।
दुर्घटनामा बसमा सवार ११ जना र माइक्रोमा सवार १० जना गरी कुल २१ जना घाइते भएका छन्। उनीहरूको स्थानीय अस्पतालमा उपचार भइरहेको प्रहरीले जनाएको छ।
प्रहरीका अनुसार घाइतेमध्ये अरुको अवस्था सामान्य रहेको छ।