अछाम। अछामको ढकारी गाउँपालिका–८ पल्साँताका दुई किशोरी जंगलमा मृत अवस्थामा फेला परेको घटनामा जनप्रतिनिधिहरूले गृहमन्त्री रमेश लेखकको ध्यानाकर्षण गराएका छन्।
१५ वर्षीया सरस्वती खड्का र १४ वर्षीया इशरा खड्काको शव ढकारी गाउँपालिका–१ स्थित सुनघर सामुदायिक वनमा शनिबार बेलुकी भेटिएको थियो। आज बिहान गृहमन्त्री निवासमा पुगेर पूर्वमन्त्री तथा अछाम–१ का सांसद शेरबहादुर कुँवर, अछाम–२ का सांसद पुष्पबहादुर शाह, र पञ्चदेवल विनायक नगरपालिकाका नगरप्रमुख अम्बिका चलाउनेले घटनाको निष्पक्ष छानबिनका लागि आग्रह गरेका हुन्।
गृहमन्त्री लेखकले घटनालाई गम्भीरतापूर्वक लिएर सुक्ष्म अनुसन्धान गर्न निर्देशन दिएको जनाइएको छ।
त्यस्तै, भारतमा रेल दुर्घटनामा ज्यान गुमाएका अछामका पाँच जनाको परिवारलाई राहत दिन र नेपालबाट भारत मजदुरी गर्न जाने नागरिकहरूको बिमा सुनिश्चित गर्न पनि माग गरिएको छ।
