- लुम्बिनी प्रदेश सरकार गठन र विकास निर्माणमा तीन दलबीच सहकार्य गर्ने सहमति भएको छ।
- एमाले, माओवादी केन्द्र र मसालले राष्ट्रिय स्वाधीनता र संविधानको रक्षाका लागि सहकार्य गर्ने भएका छन्।
- लुम्बिनीमा एमाले नेतृत्वको सरकारलाई निरन्तरता दिँदै चेतनारायण आचार्य नै मुख्यमन्त्री बन्ने भएका छन्।
लुम्बिनी – लुम्बिनी प्रदेशमा सरकार गठन तथा प्रदेशको विकास निर्माणका काममा सहकार्य गर्न नेकपा (एमाले), नेपाली कम्युनिष्ट पार्टी र नेकपा (मसाल)बीच सहमति भएको छ ।
एमाले अध्यक्ष केपी शर्मा ओली, नेकपा संयोजक पुष्पकमल दाहाल ‘प्रचण्ड’ र नेकपा (मसाल)का महामन्त्री मोहनविक्रम सिंहले बुधबार हस्ताक्षर गरेको सहमति पत्रमा लुम्बिनी प्रदेश सरकार गठन र प्रदेशको विकास निर्माणका काममा सहकार्य गर्ने उल्लेख छ ।
तीन दलबीच भएको सहमतिको पहिलो बुँदामा ‘लुम्बिनी प्रदेश सरकार गठन र सो प्रदेशका विकास निर्माणका कार्यमा सहकार्य गर्ने’ उल्लेख गरिएको छ ।
त्यस्तै, दोस्रो बुँदामा राष्ट्रिय स्वाधीनता, संविधान र गणतन्त्रका पक्षमा तथा प्रतिगमनका विरुद्ध आन्दोलनमा सहकार्य गर्ने सहमति गरिएको छ ।
सहमति पत्रमा एमालेका तर्फबाट अध्यक्ष ओली, नेकपाका तर्फबाट संयोजक प्रचण्ड र नेकपा (मसाल)का तर्फबाट महामन्त्री सिंहले हस्ताक्षर गरेका छन् ।
यसअघि एमाले र नेकपाबीच भएको सहमति अनुसार लुम्बिनीमा एमालेको नेतृत्वमा सरकार बनाउने सहमति भइसकेको छ ।
जहाँ हालका मुख्यमन्त्री चेतनारायण आचार्यले नै निरन्तरता पाउनेछन् ।
