सर्लाही, = सर्लाहीका ४० वर्षदेखि फरार रहेका कर्तव्य ज्यान मुद्दाका प्रतिबादी राजु सिंह पक्राउ परेका छन्। जिल्ला प्रहरी कार्यालय सर्लाहीले जानकारी दिएको छ ।
प्रहरीले दिएको जानकारी अनुसार धुपकली देवीको जाहेरीको आधारमा नेपाल सरकार वादी रहेको कर्तव्य ज्यान मुद्दामा ५६ वर्षीय राजु सिंह २० वर्षको कैद सजाय भोग्दै आएका थिए। उनी रौतहट जिल्लाको ब्रहम्पुरी गाउँपालिका वडा नं. ०९ निवासी रत्नेश्वर प्रसाद सिंहको छोरा हुन्।
सिंह ४० वर्षदेखि फरार थिए र हाल सर्लाहीको चक्रघट्टा गाउँपालिका वडा नं. ४ सुन्दरपुरमा धर्म र नाम परिवर्तन गरेर लुकीछिपी बसिरहेका थिए। प्रहरी टोलीले तालुक मधेश प्रदेश प्रहरी कार्यालय जनकपुर र अन्य सुरक्षा निकायको सहयोगमा उनलाई पक्राउ गरेको प्रहरीले जानकारी दिएको हो ।
पक्राउ परेको राजु सिंहलाई रौतहट जिल्ला अदालतमा पेश गरिएको छ र फैसला कार्यान्वयनको लागि कारवाही अगाडि बढाइएको प्रवक्ता तथा सूचना अधिकारी प्र.ना.उ. दिपक श्रेष्ठले नेपाल खोजखबरलाई जानकारी दिएका छ्न ।
