समाचार सारांश
Auto Generated by AI
- जेनजी आन्दोलनको छानबिनका लागि गठित उच्चस्तरीय आयोगको प्रतिवेदन सार्वजनिक भएको छ।
- प्रतिवेदनले पूर्वप्रधानमन्त्री ओलीसहितका उच्च अधिकारीलाई फौजदारी कसुरमा अनुसन्धान गर्न सिफारिस गरेको छ।
- आन्दोलनमा भएको लापरबाहीका लागि गृहसचिव र सुरक्षा निकायका प्रमुखहरूलाई कारबाही गर्न भनिएको छ।
काठमाडौ -गत भदौ २३ र २४ मा भएको जेनजी आन्दोलनको विषयमा छानविनका लागि गठित उच्चस्तरीय जाँचबुझ आयोगको प्रतिवेदन सार्वजनिक भएको छ ।
उक्त प्रतिवेदन सरकारले सार्वजनिक नगर्दै बुधबार बाहिरिएको हो ।
प्रतिवेदनमा तत्कालीन प्रधानमन्त्री केपी शर्मा ओली, तत्कालीन गृहमन्त्री रमेश लेखक, आईजीपी चन्द्रकुवेर खापुङलाई फौजदारी कसुरमा अनुसन्धान अघि बढाउन सिफारिस गरेको छ ।
त्यस्तै, जाँचबुझ आयोगले जेनजी आन्दोलनमा हेलचेक्र्याइँ गरी युवाहरूको ज्यान गएको भन्दै तत्कालीन सरकारी अधिकारीहरू गृह सचिव गोकर्णमणि दुवाडी, सशस्त्र प्रहरी बलका महानिरीक्षक राजु अर्याल, राष्ट्रिय अनुसन्धानका प्रमुख हुत्तराज थापा र काठमाडौँका तत्कालीन सिडिओ छविराज रिजाललाई मुलुकी अपराध संहिताको दफा १८२ बमोजिम कारबाही लागि अभियोजन गर्न सिफारिस गरेको छ ।
