काठमाडौ – जनकपुरबाट काठमाडौं आएको बुद्ध एयरको जहाज अगाडि को एक पाङ्ग्रा बिना नै काठमाडौं आइपुगेको छ।
जनकपुरबाट उडेको युफोर ५०६ उडान नम्बरको बुद्ध एयरको जहाज पाङ्ग्राबीनै काठमाडौं विमानस्थलमा अवतरण भएको हो।
बिहीबार अपराह्न जनकपुरबाट काठमाडौंका लागि उडेको बिमानको जहाजमा एक पाङ्ग्रा हराएको पाइएको थियो।
उक्त पाङ्ग्रा नभएको चालक दलका सदस्यलेसमेत थाहा नपाएको बताइएका छन।
जनकपुरबाट ४ बजेर ३९ मिनेटमा उडेको ६२ यात्रु सवार जहाज काठमाडौंमा ५ बजेर ६ मिनेटमा अवतरण गर्दा अगाडिको एउटा पांग्रा थिएन।
अगाडिका दुईमध्ये एक पाङ्ग्रा हराएको पाइएपछि खोजी गरिएको थियो। त्यस क्रममा उक्त पाङ्ग्रा जनकपुरमै छुटेको थाहा भएको हो।
पाङ्ग्रा हराएकोबारे जाँचबुझ भइरहेको नेपाल नागरिक उड्डयन प्राधिकरणका सूचना अधिकारी ज्ञानेन्द्र भूलले बताएका छन्। जहाज काठमाडौंमा सुरक्षित अवतरण भएको थियो।
