अर्घाखाँची – अर्घाखाँचीको शितगंगाबाट नक्कली भारतीय नोटसहित एक व्यक्ति पक्राउ परेका छन्। जिल्ला प्रहरी कार्यालय अर्घाखाँचीका अनुसार पाल्पा, रैनादेवी छहरा गाउँपालिका–४ घर भई हाल शितगंगा–१ बस्ने यान बहादुर बस्नेत क्षेत्रीलाई प्रहरीले नियन्त्रणमा लिएको हो।
प्रहरी टोलीले शितगंगा नगरपालिका–१२, ठुलो ढोंडेनीबाट शंकास्पद रूपमा हिँडिरहेका उनलाई जाँच गर्ने क्रममा ९ थान नक्कली भारतीय नोट फेला पारेको थियो। सूचना अधिकारी जगन्नाथ मरासिनीका अनुसार पक्राउ परेका क्षेत्रीमाथि मुलुकी अपराध संहिता २०७४ अन्तर्गत मुद्रा सम्बन्धी कसुरमा अनुसन्धान भइरहेको छ। अदालतबाट पाँच दिनको म्याद थप गरी अनुसन्धान अघि बढाइएको प्रहरीले जनाएको छ।
