नयाँ दिल्ली – छिमेकी राष्ट्र भारतको नोइडा स्थित शारदा विश्वविद्यालयको नेपाली विद्यार्थी समुदाय (NCSU) द्वारा आयोजित वार्षिक नेपाली नयाँ वर्ष समारोह २०८२ भव्यताका साथ सम्पन्न भएको छ। उक्त कार्यक्रम शारदा विश्वविद्यालय क्याम्पसस्थित आनन्द स्वरूप अडिटोरियममा सम्पन्न भएको थियो।
उक्त विशेष कार्यक्रममा अतिथिका रूपमा पतञ्जली, दिल्लीस्थित हम्रो स्वाभिमान ट्रस्टका प्रतिनिधिहरूको गरिमामय उपस्थिति रहेको थियो भने नेपाल दूतावासबाट सुरेन्द्र थापा र गोगुल बस्नेतजस्ता विशिष्ट अतिथिका रुपमा सहभागीता रहेको थिए।
कार्यक्रममा परम्परागत नेपाली संस्कृति झल्काउने सांस्कृतिक प्रस्तुतिहरू, र नेपाली पोसाकमा उपस्थित सबै हेर्दा नेपाली पन झलकिएको थियो नयाँ वर्षको उत्सव झल्काउने विविध गतिविधिहरू प्रस्तुत गरिएको थियो।
कार्यक्रमको समन्वय तथा नेतृत्व NCSU अध्यक्ष श्रिष्टि कार्कीले गरेकी थिइन्। उनको सक्रियतामा आयोजना सफल र प्रभावशाली बन्न पुगेको थियो। कार्यक्रममा उनले अतिथि तथा सहभागीहरूप्रति धन्यवाद ज्ञापन गर्दै आगामी दिनमा पनि यस्ता कार्यक्रमहरू निरन्तर आयोजना गरिने प्रतिबद्धता व्यक्त गरिन्।
उक्त कार्यक्रमले नेपाल र भारतबीचको मित्रता र सहकार्यलाई अझ प्रगाढ बनाएको आयोजकको विश्वास रहेको छ। नेपाली समुदाय र विश्वविद्यालय प्रशासनबीचको सहकार्यमा आयोजना गरिएको यो कार्यक्रमले विद्यार्थीबीचको एकता र विविधता झल्काएको थियो ।
