समाचार सारांश
Auto Generated by AI
- धादिङको गलौंदीमा सडक भासिएसँगै पृथ्वी राजमार्ग अवरुद्ध भएको छ
- दसैँमा घर फर्किने यात्रुहरू बाटोमै अलपत्र परेका छन्
- अवरुद्ध सडक खुलाउन आजदेखि भित्ता काटेर प्रयास भइरहेको छ
काठमाडौ – धादिङको गजुरी नजिकै गलौंदीमा सडक भासिएपछि पृथ्वी राजमार्ग हिजो बेलुकीदेखि अवरुद्ध भएको छ ।
सडक भासिएको ठाउँमा भित्ता काटेर आजदेखि सडक खुलाउने प्रयास भैरहेको धादिङ प्रहरीले जनाएको छ ।
- Advertisement -
सडक अवरुद्ध भएपछि दशैँमा घर हिँडेका यात्रुहरु अलपत्र परेका छन् । दशैँको टिकट बुकिङ खुलेकै दिन काठमाण्डौ ओहोरदोहोर गर्ने मुख्य सडक अवरुद्ध भएको हो ।
पृथ्वी राजमार्ग भएर दैनिक १५ हजारभन्दा धेरै गाडी ओहोरदोहोर गर्छन् । दशैँका बेला भने योभन्दा पनि तेब्बर संख्यामा गाडी ओहोरदोहोर गर्ने गरेको प्रहरीको भनाइ छ ।
यसअघि भदौ १४ मा भोटेकोशीको बाढीपछि त्रिशूली नदीले तलबाट कटान गर्दा पृथ्वी राजमार्गको कृष्णभीरखण्ड भासिएको थियो ।
भासिएको सडक १८ दिनपछि सञ्चालनमा आएको थियो ।
यसअघि असोज पहिलो हप्ताको बाढीपहिरोको कारण पनि झण्डै पाँच दिन सडक अवरुद्ध भएको थियो ।
