समाचार सारांश
Auto Generated by AI
- रुकुम पश्चिमको कारागार तोडेर फरार भएका कैदी दुर्गालाल परियार पक्राउ परेका छन्।
- जबरजस्ती करणी मुद्दामा १२ वर्ष कैद सजाय पाएका उनी भदौ महिनामा भागेका थिए।
- प्रहरीले उनलाई हिजो राति आफ्नै घरमा लुकिछिपी बसेको अवस्थामा फेला पारेको हो।
काठमाडौं।जिल्ला प्रहरी कार्यालय रुकुम (पश्चिम भाग) ले कारागारको ढोका तोडेर भागिएका एक कैदीलाई पक्राउ गरेको छ।
जबरजस्ती करणी मुद्दामा रुकुम जिल्ला अदालतले १२ वर्ष कैद, ५ लाख रुपैयाँ जरिवाना र ५० हजार रुपैयाँ क्षतिपूर्ति सजाय तोकिएका बाँफिकोट गाउँपालिका वडा नं २ जिपु निवासी २६ वर्षीय दुर्गालाल परियार (दुर्गालाल दमाई) लाई प्रहरीले पक्राउ गरेको हो।
उनी गत भदौमा भएको जेन जी आन्दोलनको क्रममा रुकुम (पश्चिम भाग) कारागार कार्यालयको गेट तोडी फरार भएका थिए।
जिल्ला प्रहरी कार्यालयबाट खटिएको प्रहरी टोलीले हिजो राती ९ बजे आफ्नै घरखेतमा लुकिछिपी बसिरहेको अवस्थामा नियन्त्रणमा लिएको हो।
