- स्वामी रामभद्राचार्यले मेयर बालेनको भारतविरोधी रवैया र हिन्दुत्वप्रतिको व्यवहारप्रति असन्तुष्टि जनाएका छन्।
- नेपालमा बढ्दो धर्मान्तरण रोक्न र हिन्दु राष्ट्र पुन: स्थापना गर्नुपर्नेमा उनले जोड दिएका छन्।
- नेपाल-भारतको सम्बन्ध बलियो बनाउँदै देश आत्मनिर्भर हुनुपर्ने र राजसंस्थाको सान्दर्भिकता रहेको उनले बताएका छन्।
काठमाडौ – विश्वप्रख्यात हिन्दू धर्म गुरु स्वामी रामभद्राचार्यले नेपालका प्रधानमन्त्री बालेन्द्र शाह (बालेन)को भारतप्रति रवैया ठिक नरहेको बताएका हुन।
आइतबार जनकपुरधामको जानकी मन्दिर दर्शन गर्न आएका धर्म गुरु रामभद्राचार्यले बालेनको भारतप्रतिको दृष्टिको ठिक नरहेको र हिन्दूत्वप्रति पनि कुनै प्रेम नरहेको बताएका छन।
उनले प्रधानमन्त्री बालेनको मन भारत विरोधी नहुनुपर्ने सुझाव दिए। उनले बालेनको आकर्षण हिन्दूत्वप्रति हुनुपर्ने सुझाव दिए। उनले बालेन अहिले युवा रहेको र राजनीतिमा परिपक्व नभएको बताए।
साथै उनले स्व. राजा विरेन्द्रको बेलामा हुने गरेका परम्पराहरू पुनः स्थापित गर्न सके अझ राम्रो हुने धारणा राखे।
धर्मगुरु रामभद्रार्चायले नेपालमा धर्मान्तर हुने गरेको गुनासो गरे। उनले विगतमा धर्मान्तर गराउनेहरुको संख्यामा वृद्धि हुनु दुःखद् रहेको बताए। उनले राजसंस्था फेरि आउनुपर्ने बताए।
उनले नेपाल र भारत मिलेर एउटा महाशक्ति बन्नुपर्ने बताए। उनले नेपाल सरकारले चाहे हिन्दूराष्ट्रय पुनः कायम गर्न कुनै समय नलाग्ने जानकारी दिए।
त्यस्तै, उनले नेपाल समृद्ध होस र कुनै देशमा निर्भर नहोस भन्ने कामना गरेका छन्। उनले खासगरी चीनसँग नेपाल कुनै किसिमले निर्भर नहुनुपर्ने धारणा राखे।
धर्म गुरु रामभद्राचार्य प्रत्येक वर्ष एकपटक जनकपुरधामको जानकी मन्दिर दर्शन गर्न आउने गर्छन। यहाँ आउँदा आफ्नो सम्धीको घर आएको महशुस हुने गरेको उनले बताए।
