काठमाडौं – जेनजी आन्दोलनका घाइतेहरूले आज दिनभर सिंहदरबारबाहिर धर्ना दिँदै नाराबाजी गरेका छन्। दक्षिण गेटअगाडि आलो घाउ लिएर पुगेका घाइतेहरू मध्ये कोही अस्पतालको रिपोर्ट देखाउँदै बसेका थिए भने कोही बैशाखीको सहारामा उभिएका थिए।
प्रधानमन्त्री सुशीला कार्कीसँग भेट गरेपछि उनीहरूले प्रधानमन्त्री कार्यालय बाहिरै “अवसरवादी मुर्दावाद” भन्दै चर्को नाराबाजी गरे। उनीहरूको भनाइमा, आन्दोलनमा सच्चा रूपमा घाइते र बलिदानी दिनेहरूलाई बेवास्ता गरेर सुधन गुरुङसहित करिब १० जना अवसरवादीहरूले सरकार गठनमा प्रभाव जमाएको छ।
खुट्टामा गोली लागेकी एक युवती आन्दोलनकारीले मिडियासँग कुरा गर्दै भनिन्– “हामी घाइते र मृतकका परिवारलाई हेर्ने कोही छैन, बरु अवसरवादीहरूले जेनजी आन्दोलनको नाम बदनाम गर्दै सरकार गठनमा भागबण्डा गरेका छन्।”
घाइतेहरूको आरोप छ– उनीहरू अस्पतालमा उपचाररत रहँदा विभिन्न व्यक्तिले आफूलाई जेनजी आन्दोलनको नेतृत्वकर्ता दाबी गरे, तर ती सबै नक्कली आन्दोलनकारी भएको बताएका हुन ।
यता मन्त्री नियुक्तिको अझै टुङ्गो लागेको छैन जेनजिको नाममा भएको आन्दोलनमा अहिले धेरै गुटबन्दी भएको छ जुन आन्दोलनकारी थिए उनी हरुको माग नसुनेको घाइते हरुको भनाइ छ सरकार गठन भए पनि जेनजी हरुको सहभागिता नहुनु दु:खद रहेको घाइते हरुको भनाइ छ ।
