समाचार सारांश
Auto Generated by AI
- गुल्मीको चन्द्रकोटमा जिपको ठक्करबाट ५५ वर्षीया तुलसी थापाको मृत्यु भएको छ।
- बाटो काट्ने क्रममा जिपले ठक्कर दिँदा गम्भीर घाइते भएकी थापाको पाल्पामा उपचारका क्रममा निधन भयो।
- प्रहरीले जिप चालक जीवन फौदारलाई नियन्त्रणमा लिएर अनुसन्धान सुरु गरेको छ।
गुल्मी – चन्द्रकोट गाउँपालिकामा जिपको ठक्करबाट एक पैदलयात्रीको मृ`त्यु भएको छ।
मृ`त्यु हुनेमा चन्द्रकोट गाउँपालिका–४ निवासी ५५ वर्षीय तुलसी थापा रहेको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक गङ्गाबहादुर सारुले बताए।
चन्द्रकोटबाट शान्तिपुरतर्फ गइरहेको लु१ज १८३४ नम्बरको सफारी जिपले थापालाई बाटो काट्दै गरेको अवस्थामा रिपाहा भन्ने ठाउँमा शनिबार साँझ ठक्कर दिएको थियो। जिपको ठक्करबाट घाइते हुनुभएकी थापालाई स्थानीय स्वास्थ्य संस्थामा समान्य उपचारपछि लुम्बिनी मेडिकल कलेज प्रवास, पाल्पामा पठाइएको थियो।
थापाको उपचारका क्रममा गए राति नै मृत्यु भएको प्रहरीले जनाएको छ। प्रहरीले जिपका चालक जीवन फौदारसहित सवारीसाधनलाई नियन्त्रणमा लिएको छ।
