कपिलवस्तु — काठमाडौंबाट दाङ जाँदै गरेको यात्रुबाहक बस कपिलवस्तुको चन्द्रौटा नजिकै दुर्घटना हुँदा २८ जना यात्रु घाइते भएका छन्।
ट्राफिक प्रहरी कार्यालय कपिलवस्तुका अनुसार बुद्धभूमि नगरपालिका–७, बेलनदी नजिक लु प्र ०२–००१ ख ००४५ नम्बरको यात्रुबाहक बस आइतबार बिहान करिब ४ः४५ बजे अनियन्त्रित भई पल्टिएको हो।
घटनामा ३ जना गम्भीर घाइते भएका छन् र उनीहरूलाई थप उपचारका लागि बुटवल रिफर गरिएको प्रहरीले जनाएको छ । अन्य २५ जना सामान्य घाइतेहरूको चन्द्रौटा क्षेत्रका दुई अस्पताल — संजीवनी सामुदायिक अस्पताललगायतमा उपचार भइरहेको छ। पाँच जना यात्रुलाई भने कुनै चोटपटक नलागेको प्रहरीले जनाएको छ।
दुर्घटनाको कारण अझै स्पष्ट नभए पनि प्रहरी घटनास्थलमा पुगेको छ र आवश्यक अनुसन्धान अघि बढाइएको छ। यात्रुहरूले सडक चिप्लो हुनु वा चालक निदाएको भएर दुर्घटना भएको हुन सक्ने बताएका छ्न ।
