समाचार सारांश
Auto Generated by AI
- अर्घाखाँचीको सन्धिखर्कमा श्रीमतीको शरीरमा मट्टितेल खन्याई आगो लगाएको आरोपमा श्रीमान् पक्राउ परेका छन्।
- गम्भीर घाइते भएकी सुजिता मुखियालाई थप उपचारका लागि बुटवल रेफर गरिएको छ।
- घटनामा संलग्न ४३ वर्षीय खिमबहादुर मुखियालाई नियन्त्रణमा लिएर प्रहरीले अनुसन्धान गरिरहेको छ।
पूजा शर्मा अर्घाखाँची ।अर्घाखाँचीको सन्धिखर्क नगरपालिका–११ रामपथमा श्रीमतीको शरीरमा मट्टितेल खन्याई आगो लगाएर घाइते बनाएको आरोपमा एक पुरुष पक्राउ परेका छन्।
- Advertisement -
जिल्ला प्रहरी कार्यालय अर्घाखाँचीका अनुसार रामपथ निवासी ३२ वर्षीया सुजिता मुखियालाई उनका श्रीमान्ले शरीरमा मट्टितेल खन्याई आगो लगाएर घाइते बनाएको सूचना प्राप्त भएपछि प्रहरीले तत्काल उद्धार गरेको हो।
घाइते सुजितालाई उपचारका लागि जिल्ला अस्पताल सन्धिखर्क लगिएकोमा थप उपचारका लागि लुम्बिनी प्रादेशिक अस्पताल, बुटवल रेफर गरिएको प्रहरीले जनाएको छ।
घटनामा संलग्न रहेको आरोपमा सन्धिखर्क नगरपालिका–११ रामपथ निवासी ४३ वर्षीय खिमबहादुर मुखियालाई प्रहरीले पक्राउ गरेको छ।
पक्राउ परेका मुखियालाई नियन्त्रणमा लिएर घटनाबारे थप अनुसन्धान भइरहेको जिल्ला प्रहरी कार्यालय अर्घाखाँचीले जनाएको छ।
