बासुदेव पोखरेल
गुल्मी – गुल्मीको रेसुङ्गा नगरपालिका–६ सिमाघाट लप्सीमा गएराति भएको मोटरसाइकल दुर्घटनामा एक युवकको ज्यान गएको छ।
मृ`त्यु हुनेमा दाङ, गढवा गाउँपालिका–३ गोबडिया घर भई हाल गुल्मीमा इन्द्र एम.के. जे.बी. निर्माण सेवामा सब–इन्जिनियरको रूपमा कार्यरत २७ वर्षीय निशान चौधरी रहेका छन्।
उनले चलाएको लु ९७ प ७४७९ नम्बरको मोटरसाइकल अनियन्त्रित भई पल्टिँदा बाटो छेउको नालिमा खस्दा चौधरीको घटनास्थलमै मृ`त्यु भएको जिल्ला प्रहरी कार्यालय गुल्मीले जनाएको छ।
दुर्घटना गएराति १०:३० बजे तिर भएको र जानकारी प्राप्त भएपछि बिहान ७:२० बजे प्रहरी निरीक्षक भुपेन्द्र थापाको कमाण्डमा ९ जनाको टोली घटनास्थलमा खटिएको थियो।
दु`र्घटनास्थल गुल्मी सदरमुकाम तम्घासदेखि पश्चिमतर्फ करिब १० किलोमिटरको दूरीमा पर्छ। चौधरीको परिवारलाई घटना बारे जानकारी दिइएको प्रहरीले जनाएको छ।
प्रहरीले थप अनुसन्धान अघि बढाएको छ।