समाचार सारांश
Auto Generated by AI
- रसुवाको भोटेकोशी बाढीमा परी हालसम्म ४६९ जनाको मृत्यु भएको छ।
- विभिन्न जिल्लाबाट १५४५ जनाको घाइते अवस्थामा उद्धार गरिएको छ।
- प्रभावित क्षेत्रमा ४३४८ सुरक्षाकर्मी खटिए पनि २८ जना प्रहरी अझै बेपत्ता छन्।
काठमाडौं ।रसुवा जिल्लामा आएको भोटेकोशी बाढीका कारण ठूलो मानवीय क्षति भएको छ।
नेपाल प्रहरीले शुक्रबार बिहान ७ बजेसम्म दिएको विवरण अनुसार विभिन्न जिल्लाबाट कुल ४६९ जनाको शव फेला पारिएको छ। फेला परेका शवहरूको विवरण अनुसार रसुवामा १२, धादिङमा ३३, गोरखामा ४४, न.प.पूर्वमा ११०, नुवाकोटमा ३७, चितवनमा १७८, तनहुँमा २८ र न.प.पश्चिममा २७ जना रहेका छन्।
- Advertisement -
घटनामा परेर घाइते तथा उद्धार गरिएकाहरूको संख्या एक हजार ५४५ पुगेको छ। यसमध्ये रसुवामा ६४४, नुवाकोटमा ८९८ र धादिङमा तीन जनाको उद्धार भएको छ। साथै, काठमाडौं उपत्यकाका विभिन्न अस्पतालहरूमा उपचाररत तथा डिस्चार्ज भएका घाइतेहरूको संख्या ८४ रहेको छ।
बाढी प्रभावित क्षेत्रमा हालसम्म चार हजार ३४८ जना सुरक्षाकर्मी परिचालन गरिएको छ भने २८ जना प्रहरी कर्मचारी अझै सम्पर्कविहीन रहेका छन्।
