मुगुम समुदाय-प्रहरी साझेदारी’ अन्तर्गत विश्व बालश्रम विरुद्धको दिवस २०८३ भव्य रूपमा सम्पन्न

रतन रावल मुगु, जेठ २९ गते ।’शान्तिपूर्ण एवं सुरक्षित समाजका लागि’ भन्ने मूल नाराका साथ जिल्ला प्रहरी कार्यालय, मुगु र मातहतको इलाका/प्रहरी कार्यालय प्रस्तावित भु-स्थानको संयुक्त आयोजनामा विश्व बालश्रम विरुद्धको दिवस २०८३ विभिन्न जनचेतनामूलक कार्यक्रमहरू गरी भव्य रूपमा मनाइएको छ।समुदाय-प्रहरी साझेदारी अवधारणा अन्तर्गत आयोजित उक्त विशेष कार्यक्रममा प्रहरी नायब उपनिरीक्षक डीएसपी रविराज थपलिया सहितको टोली र स्थानीय जनप्रतिनिधि, शिक्षक, बुद्धिजीवी, समाजसेवी, नागरिक समाज, विद्यार्थी तथा स्थानीय समुदायको व्यापक सहभागिता रहेको थियो।कार्यक्रमका मुख्यगतिविधिहरू:सचेतना र्‍याली: ‘बालबालिकालाई श्रममा होइन, विद्यालयमा पठाऔँ’ र ‘बालश्रम मुक्त समाज निर्माण गरौँ’ भन्ने प्लेकार्डसहित बजार तथा गाउँ परिक्रमा।अन्तरक्रिया कार्यक्रम: बालअधिकारको रक्षा, बालश्रमका कानुनी प्रावधान र यसले समाजमा पार्ने नकारात्मक असरबारे स्थानीय नागरिकसँग व्यापक छलफल।प्रतिवद्धता: बालश्रम

उन्मूलनका लागि प्रहरी र समुदाय दुवै सजग र जिम्मेवार रहनुपर्ने कुरामा जोड।कार्यक्रमलाई सम्बोधन गर्दै आयोजक कार्यालयका प्रमुखले बालबालिकाहरू देशको भविष्य भएको हुनाले उनीहरूलाई श्रममा लगाएर भविष्य अन्धकार बनाउन नहुने बताउनुभयो। समुदाय र प्रहरीको बलियो सहकार्यलेमात्रै समाजमा विद्यमान यस्ता विकृति र अपराधलाई जरैदेखि उन्मूलन गर्न सकिने धारणा उहाँले व्यक्त गर्नुभयो।सहभागी स्थानीयबासी तथा बुद्धिजीवीहरूले प्रहरीले गाउँ-गाउँमा आएर यस्ता चेतनामूलक कार्यक्रमहरू सञ्चालन गरेकोमा खुसी व्यक्त गर्दै पूर्ण सहयोग गर्ने प्रतिवद्धता जनाएका छन्।