- विश्वास घिमिरेको मार्मिक गीत बैगुनी मायालुको म्युजिक भिडियो छायांकन सम्पन्न भएको छ।
- मोतिराज खनाल र यशोदा कार्कीको स्वर रहेको यस गीतमा विश्वास घिमिरेको निर्देशन रहेको छ।
- गीतमा विश्वास घिमिरे, बिन्दु आचार्य, अनिशा बेल्बासे र चोप सिलवालको अभिनय देख्न सकिनेछ।
लुम्बिनी — विश्वास घिमिरेको पीडादायी गीत ‘बैगुनी मायालु’ मोतिराज र यशोदाको आवाजमा म्युजिक भिडियो सुटिङ सम्पन्न भएको छ ।
नेपाली सांगीतिक क्षेत्रमा सक्रिय सर्जक विश्वास घिमिरेको अत्यन्त मार्मिक तथा पीडादायी गीत ‘बैगुनी मायालु (मुखमा रामराम, मनमा कालो छ)’ को आधिकारिक म्युजिक भिडियोको सुटिङ सम्पन्न भएको छ। बैशाख २२ र २३ गते गरी दुई दिनसम्म सञ्चालन गरिएको छायांकन सफलतापूर्वक सम्पन्न भएको निर्माण टिमले जनाएको छ।
गीतमा चर्चित गायक मोतिराज खनाल र लोकप्रिय गायिका यशोदा कार्कीको सुमधुर स्वर रहेको छ। गीतका शब्द शंकर घिमिरे र विश्वास घिमिरेले संयुक्त रूपमा सिर्जना गरेका हुन् भने लय स्वयं मोतिराज खनालले तयार पारेका छन्।
गीतको संगीत संयोजन (एरेन्ज) रमेश सेन्चुरीले गरेका हुन्। मालाश्री डिजिटल रेकर्डिङ स्टुडियोमा रेकर्ड गरिएको उक्त गीतको रेकर्डिङ कार्य सागर बाजुरालीले सम्पन्न गरेका हुन् भने मिक्सिङ खडक बाजुरालीले गरेका छन्।
म्युजिक भिडियोमा विश्वास घिमिरे, बिन्दु आचार्य, अनिशा बेल्बासे तथा चोप सिलवालको सशक्त अभिनय देख्न सकिनेछ। भिडियोको निर्देशन स्वयं विश्वास घिमिरेले गरेका हुन्। ड्रोन क्यामेराबाट दृश्य खिच्ने कार्य चोप सिलवालले गरेका छन् भने क्यामेरा तथा सम्पादनको जिम्मेवारी सन्जय पाठकले सम्हालेका छन्।
भावनात्मक कथावस्तु, उत्कृष्ट प्रस्तुति तथा अनुभवी कलाकारहरूको समन्वयले सजिएको ‘बैगुनी मायालु’ दर्शक तथा श्रोतामाझ विशेष रुचाइने अपेक्षा गरिएको छ। निर्माण टिमले गीतलाई छिट्टै सार्वजनिक गर्ने तयारी भइरहेको जनाएको छ।
