समाचार सारांश
Auto Generated by AI
- शितगंगा-३ अर्घाखाँचीले विद्युतीय चुलो तथा भान्साका सामग्रीका लागि आवेदन मागेको छ।
- सहभागी हुने लाभग्राहीले लागतको ५० प्रतिशत रकम साझेदारी गर्नुपर्ने प्रावधान छ।
- इच्छुक स्थानीय बासिन्दाले सूचना प्रकाशित भएको २० दिनभित्र वडा कार्यालयमा आवेदन दिनुपर्नेछ।
अर्घाखाँची – शितगंगा नगरपालिका– वडा न:३ कार्यालयले विद्युत् प्रयोगलाई प्रोत्साहन गर्ने उद्देश्यले इन्डक्सन चुलो तथा विद्युतीय खाना पकाउने सामग्रीका लागि आवेदन आह्वान गरेको छ।
वडा कार्यालयले आर्थिक वर्ष २०८२/०८३ अन्तर्गत Electric Cooking Programme for Nepal Continuation नामक परियोजनामार्फत कार्यक्रम सञ्चालन गर्न लागेको हो।
- Advertisement -
कार्यक्रमअन्तर्गत प्रयोगकर्ता घरले बढीमा ५० प्रतिशत रकम लागत साझेदारी गर्नुपर्ने सूचनामा उल्लेख छ।
कार्यक्रममार्फत इन्डक्सन चुलो १ थान, इन्डक्सन प्रेसर कुकर १ थान, इन्डक्सन सेन्टो कराई १ थान र इन्डक्सन तात्ने सामग्री १ थान उपलब्ध गराउने तथा आवश्यकताअनुसार विद्युत् वायरिङ स्तरोन्नति कार्यसमेत गरिने वडा कार्यालयले जनाएको छ।
इच्छुक वडा नं. ३ का बासिन्दाले सूचना प्रकाशित भएको २० दिनभित्र वडा कार्यालयमा आवेदन पेश गर्नुपर्ने छ।
