काठमाडौ = कर्तव्य ज्यान मुद्दामा १८ वर्ष कैद सजाय कायम भई मिति २०७३/०३/२९ गतेदेखि कारागार कार्यालय जगन्नाथदेवल, सुन्धारा, काठमाडौंमा कैद भुक्तान गरिरहेका जिल्ला सिन्धुली, तीनपाटन गाउँपालिका वडा नं. ६ निवासी वर्ष ५० का बसन्त भन्ने गुन्ज बहादुर श्रेष्ठ मिति २०८२/०५/२४ गते सम्पन्न Gen-Z (जेन्जी) आन्दोलन का क्रममा फरार भएका थिए।
फरार कैदी काठमाडौं उपत्यकाभित्र लुकीछिपी बसेको भन्ने विशेष सूचनाको आधारमा यस ब्युरोबाट खटिएको टोलीले मिति २०८२/०९/२८ गते जिल्ला काठमाडौं, टोखा नगरपालिका वडा नं. १ स्थित झोर क्षेत्रबाट उनलाई पक्राउ गरेको हो।
- Advertisement -
पक्राउ परेका श्रेष्ठलाई आवश्यक कारबाहीका लागि कारागार कार्यालय जगन्नाथदेवल, सुन्धारा मा पेश गरिएको छ
