काठमाडौं । ‘जेन–जी मुभमेन्ट’ले ऊर्जामन्त्री कुलमान घिसिङलाई तत्काल बर्खास्त गर्न माग गरेको छ ।
मुभमेन्टले भारतको कम्पनी पीटीसी इण्डियासँग विद्युत खरिद–बिक्री सम्झौतामा ४३ करोड रुपैयाँ बराबरको नोक्सानी हुने गरी अनियमितता भएको भन्दै घिसिङसहित संलग्न पदाधिकारीहरूविरुद्ध कारबाहीको माग गरेको हो।
मुभमेन्टका प्रवक्ता विजय साहद्वारा मंगलबार जारी विज्ञप्तिमा भनिएको छ, “ऊर्जामन्त्री कुलमान घिसिङलाई तुरुन्त बर्खास्त गरी अख्तियार दुरुपयोग अनुसन्धान आयोगमा मुद्दा दायर गर्नुपर्छ। प्राधिकरणका कार्यकारी निर्देशक मनोज सिलवाललाई तत्काल निलम्बन गरी सम्पत्ति शुद्धीकरण ऐन अन्तर्गत छानबिन थाल्नु प्रने बताएइको छ ।
साहका अनुसार विद्युत नियमन आयोगले स्वतन्त्र छानबिन समिति गठन गरी सबै विद्युत सम्झौताहरू सार्वजनिक गर्नुपर्ने माग गरिएको समेत उल्लेख गरेका छ्न ।
जेन–जी मुभमेन्टले राष्ट्रघाती सम्झौतामा संलग्न व्यक्तिहरूलाई जेल हाल्न र राज्यको सम्पत्ति फिर्ता गराउन कानुनी प्रक्रिया तत्काल सुरु गर्न सरकारसँग आग्रह गरेको छ।
