नवी मुम्बई, कात्तिक १३ । भारतले जेमिमा रोड्रिगेजको अविजित शतकीय पारीको बलमा अष्ट्रेलियालाई पराजित गर्दै महिला एकदिवसीय क्रिकेट विश्वकप २०२५ को फाइनलमा प्रवेश गरेको छ । सात पटकको विजेता र यस संस्करणसम्म अपराजित रहेको अष्ट्रेलियाको यात्रा सेमिफाइनलमै टुंगिएको छ ।
अन्तर्राष्ट्रिय क्रिकेट परिषद् (ICC) का अनुसार भारतले ३३९ रनको कठिन लक्ष्य पछ्याउँदै ऐतिहासिक जित हात पारेको हो । खेलको निर्णायक क्षणमा जेमिमाले उत्कृष्ट संयमता प्रदर्शन गर्दै अविजित रहिन् र टोलीलाई जिततर्फ डोर्याइन् । उनको इनिङ्सले भारतीय टोलीलाई नयाँ ऊर्जासँग फाइनलमा पुर्याएको छ ।
जेमिमाको शतक“शानदार र ऐतिहासिक” रहेको छ “रेकर्ड चेज” लाई क्रिकेट इतिहासकै स्मरणीय क्षण रहेको छ । त्यस्तै, ICC ले जेमिमाको इनिङ्सलाई “स्तब्ध पार्ने प्रदर्शन” भन्दै सराहना गरेको छ ।
अस्ट्रेलियाको प्रारम्भिक ब्याटिङ मजबुत भए पनि भारतका बलरहरूले मझधारमा लय फेरे । लक्ष्य पछ्याउने क्रममा भारतले सुरुवाती विकेट गुमाएपछि केही समय दबाबमा परेको थियो । तर, जेमिमाले स्थायित्व र आक्रमणबीच सन्तुलन राख्दै अन्त्यसम्म बलिङ आक्रमणलाई सहजै सामना गरिन् ।
खेलको क्रममा स्मृति मन्धानाको डीआरएस विवादले केही समय नाटकीयता थपेको थियो, जसलाई टाइम्स अफ इन्डिया ले “ड्रामा इन सेमिफाइनल” भनेर समेत उल्लेख गरेको थियो केही समय अगाडि । तर त्यसपछि भारत पुनः सशक्त रूपमा खेलमा फर्किएको थियो ।
भारतले अब फाइनलमा दक्षिण अफ्रिका टोलीसँग उपाधि भिडन्त गर्नेछ । यस जितसँगै भारतले पहिलोपटक महिला एकदिवसीय विश्वकप जित्ने सपना साकार गर्ने सम्भावना बलियो बनाएको छ ।