काठमाडौ -जेन-जी आन्दोलनका अगुवा तथा हामी नेपाल का अध्यक्ष सुदन गुरुङले संविधानलाई खारेज नगरी पुनर्लेखन गर्नुपर्ने बताएका छन्।
- Advertisement -
उनले संसद् विघटन गरी पूर्वप्रधानन्यायाधीश सुशीला कार्कीको नेतृत्वमा अन्तरिम सरकार गठन गर्नुपर्ने आवश्यकता औंल्याए।
गुरुङका अनुसार, वर्तमान संविधानले मुलुकको आवश्यकता र जनताको भावना पुरा गर्न सकेको छैन। त्यसैले संविधानलाई संशोधन र पुनर्लेखन गरेर मात्र स्थायी समाधान सम्भव हुने उनले दाबी गरे।
उनले भने, “देशको स्वाभिमान र जनताको हितलाई प्राथमिकता दिन संसद् तत्काल विघटन गरी निष्पक्ष नेतृत्वमा अन्तरिम सरकार गठन गर्नुपर्छ।”
गुरुङले आन्दोलनका आगामी चरणमा यही मुद्दालाई मुख्य एजेन्डा बनाएर अघि बढाइने बताएका हुन।
