नेकपा एमालेका केन्द्रीय सदस्य महर पक्राउ

काठमाडौ – नेकपा एमालेका केन्द्रीय सदस्य ऐन महर पक्राउ परेका छन् ।

बुधबार काठमाडौं जिल्ला अदालतले विद्युतीय अपराध कसुरको उजुरीका आधारमा महरविरुद्ध पक्राउ पुर्जी जारी गरेको थियो ।

- Advertisement -

पक्राउ परेका महरमाथि थप अनुसन्धानका लागि प्रहरीले म्याद थप गर्न अहिले जिल्ला अदालत, काठमाडौं लगिएको छ ।

साइबर ब्यूरो भोटाहिटीमा चरित्रहत्या र गाली बेइज्जतीको महरविरुद्ध उजुरी परेको थियो । हुलाकमार्फत पीडितले दिएको उजुरीका आधारमा पक्राउ गरी प्रहरीले अनुसन्धान अघि बढाइएको स्रोतले बताएको छ ।