काठमाडौं, भदौ ४ । नेपाल महिला संघ केन्द्रीय कार्यसमितिद्वारा आयोजित ‘विगत, वर्तमान र भविष्यमा नेपाल महिला संघको भूमिका’ विषयक एक दिवसीय विचार गोष्ठी राजधानीमा सम्पन्न भएको छ ।
धापासीस्थित मंगलानगरमा रहेको आफ्नै केन्द्रीय कार्यालयमा सम्पन्न सो गोष्ठीमा नेपाली कांग्रेसकी केन्द्रीय सदस्य एवम् परराष्ट्र मन्त्री माननीय डा. आरजु राणा देउवाको प्रमुख आतिथ्यता रहेको थियो । त्यस्तै, विशिष्ट आतिथ्यमा नेपाली कांग्रेस केन्द्रीय सदस्य तथा पूर्व उपसभामुख एवं महिला विभाग प्रमुख पुष्पा भुसाल रहनुभएको थियो भने कार्यक्रमको अध्यक्षता नेपाल महिला संघकी अध्यक्ष उषा राउत मिश्रले गर्नुभएको थियो ।
कार्यक्रममा वक्ताहरूले नेपाल महिला संघको ऐतिहासिक योगदान, वर्तमान गतिविधि र भविष्यको दिशाबारे धारणा राख्दै महिला सशक्तिकरण, राजनीतिक सहभागिता र नेतृत्व विकासमा संघले अझ प्रभावकारी भूमिका खेल्नुपर्नेमा जोड दिएका थिए ।
कार्यक्रममा संघका पदाधिकारी, विभिन्न जिल्ला प्रतिनिधि तथा सरोकारवालाको सक्रिय उपस्थिति रहेको थियो भने सम्पुर्ण महिला दिदी बहिनी हरुमा तिजको रौनक समेत देखिएको थियो ।
