लुम्बिनी अर्घाखाँची — नेकपा एमाले जिल्ला कमिटी अर्घाखाँचीको पाँचौं पूर्ण बैठक सोमबार सन्धिखर्कस्थित डायमण्ड होटल एण्ड लजमा सम्पन्न भएको छ।
बैठकमा पार्टी संगठन सुदृढीकरण, आगामी राजनीतिक गतिविधि, जनतासँगको प्रत्यक्ष पहुँच विस्तार र पार्टीलाई थप प्रभावकारी बनाउनुपर्ने विषयमा विस्तृत छलफल गरिएको जिल्ला कमिटीले जनाएको छ।
पार्टी जिल्ला अध्यक्ष पितम्बर भुसालले बैठकपछि भने, “पार्टीलाई जनस्तरमा अझ सशक्त र जिम्मेवार बनाउन विशेष रणनीति तयार गरिएको छ। जिल्लाभरका संरचनालाई गतिशील बनाउन अब प्रत्येक तहमा प्रत्यक्ष जनसंपर्क र संगठन विस्तारमा जोड दिइने बताएका छ्न।
बैठकले जिल्लाभरका पार्टी संरचना र जनसंगठनलाई व्यवस्थित र उर्जाशील बनाउनका साथै आगामी कार्यक्रमहरूलाई योजनाबद्ध ढंगले अघि बढाउने निर्णय गरेको छ। साथै, वर्तमान राजनीतिक परिस्थिति र जिल्लाको विकास–निर्माणमा पार्टीको सक्रियता अझ प्रभावकारी बनाउनुपर्नेमा पनि जोड दिने बताइएको छ।
कार्यक्रममा जिल्ला कमिटीका पदाधिकारी, सदस्यहरू तथा विभिन्न जनसंगठनका प्रतिनिधिहरू र कार्यकर्ता हरुको उल्लेखनीय उपस्थिति रहेको थियो।
