राप्ती आषाढ २६ राप्ती गाउँपालिका वडा नम्बर १ पाखापानीमा भर्खरै ठूलो सवारी दुर्घटना भएको छ। पश्चिमतर्फबाट आउँदै गरेको लु २९ प ९१०८ नम्बरको मोटरसाइकल र रा.१ त ३६२९ नम्बरको ट्याक्टर एकआपसमा ठोक्किँदा मोटरसाइकलमा सवार दुई जना गम्भीर घाइते भएका छन्।
घटनामा मोटरसाइकल चालक र पछाडि सवार महिला दुवै घाइते अवस्थामा फेला परेका छन्। उनीहरूको तत्काल उद्धार गरी नजिकैको भालुवाङ अस्पतालमा उपचारका लागि लगिएको छ।
दुर्घटनाको कारणबारे विस्तृत विवरण आउन बाँकी छ भने प्रहरीले घटनाको अनुसन्धान अघि बढाएको जनाइएको छ।