काठमाडौं, — राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रलाई थुनामुक्त गर्न सर्वोच्च अदालतले आदेश दिएको छ। अदालतको आदेशसँगै उनी अब रिहा हुने मार्ग खुलेको छ।
सर्वोच्च अदालतका न्यायाधीशहरूको इजलासले बिहीबार मिश्रको थुनाबारे सुनुवाइ गर्दै उनलाई थुनामुक्त गर्न आदेश दिएको हो। अदालतले यसअघि उनलाई थुनामा राख्नका लागि ठोस आधार नदेखिएको भन्दै तत्काल रिहा गर्न निर्देशन दिएको हो।
रवीन्द्र मिश्रलाई केही समयअघि एक विवादास्पद अभिव्यक्तिका आधारमा प्रहरीले पक्राउ गरेको थियो। उनलाई राष्ट्रिय एकता, संवैधानिक व्यवस्था तथा सामाजिक सद्भावमा खलल पुर्याउने अभिव्यक्तिको आरोपमा अनुसन्धानका लागि थुनामा राखिएको थियो।
तर मिश्र पक्षले त्यसलाई अभिव्यक्तिको स्वतन्त्रतामाथिको आक्रमणको रूपमा व्याख्या गर्दै सर्वोच्च अदालतमा बन्दी प्रत्यक्षीकरण रिट दायर गरेका थिए। सोही रिटमाथिको सुनुवाइपछि अदालतले मिश्रलाई थुनामुक्त गर्न आदेश दिएको हो।
थुनामुक्तीको आदेशपछि राप्रपाका नेता तथा कार्यकर्ताहरूले अदालतको निर्णयको स्वागत गरेका छन्। पार्टीले विज्ञप्ति जारी गर्दै यो आदेशलाई न्यायको जीतका रूपमा ब्याख्या गरेको छ।
रवीन्द्र मिश्र पूर्वपत्रकार तथा विवेकशील साझा पार्टीका संस्थापकसमेत हुन्। उनी पछिल्लो समय राष्ट्रवाद, धर्मनिरपेक्षता तथा संवैधानिक विषयमा खुलेर बोल्ने गरेका छ्न।