नेपाली कांग्रेस अर्घाखाँची पाणिनी रुपन्देही सम्पर्क समितिको दोस्रो अधिवेशन बुटवलस्थित एशियन पार्टी प्यालेसमा सफलता पूर्वक सम्पन्न भएको छ। यस अधिवेशनले नयाँ नेतृत्व चयन गर्दै संगठनलाई थप सशक्त बनाउने प्रतिबद्धता व्यक्त गरेको छ, जसको माध्यमबाट आगामी दिनमा नेपाली कांग्रेसले समग्र राष्ट्र र समाजका लागि जिम्मेवार र प्रभावकारी भूमिका निर्वाह गर्ने योजना बनाएको छ।
कार्यक्रममा नेपाली कांग्रेसका विभिन्न तहका नेताहरू, समाजसेवी, बुद्धिजीवी र युवाहरूको उल्लेख्य उपस्थिति रहेको थियो। अधिवेशनले समावेशी सहभागिता र संगठन विस्तारमा जोड दिँदै समाजको हरेक क्षेत्रमा पार्टीको पहुँच र प्रभाव विस्तार गर्ने संकल्प गरेको छ। यसले नेपाली कांग्रेसको आगामी अभियानलाई नयाँ उचाइमा पुर्याउने आशा व्यक्त गरेको छ।
निर्विरोध निर्वाचित नयाँ कार्यसमितिको अध्यक्षमा थानेश्वर घिमिरे चयन भएका छन्। उपाध्यक्षमा विरेन्द्र गौतम र यज्ञमणि घिमिरे रहेका छन्, जबकि सचिवमा शशिराज वेल्वासे चयन भएका छन्। कोषाध्यक्षमा पुष्कर घिमिरे, सह-सचिवमा विकास भट्टराई र हरि घिमिरे, र सह-कोषाध्यक्षमा फर्शुराम पोखरेल (धनु) चयन भएका छन्।
सदस्यहरूको सूचीमा शुदर्शन गौतम, भेषराज घिमिरे, पार्वता घिमिरे, नेत्र बेल्वासे, अभिनय घिमिरे, घनश्याम भुसाल, टेकराज पौडेल, सिमा जि.सि., मोहम्मद अयुव ‘समिर’, अनुप महत्रा, अम्बिका पन्थी, माधवराज पोखरेल, कपिल पोखरेल, मनिष पोखरेल, श्रीधर गहतराज, कुलराज बञ्जाडे, शुरेस पौडेल, ध्रुवराज घिमिरे र जुद्ध बहादुर सुयवंसी रहेका छन्।
अधिवेशनले संगठनभित्र सहकार्य, समन्वय र सेवामूलक कार्यमा केन्द्रित भइ जनताको भरोसा जित्ने अभियान सञ्चालन गर्ने संकल्प गरेको थियो। यस अधिवेशनले संगठनलाई एकता र मजबुत नेतृत्वसँगै अघि बढाउने दिशामा मार्गदर्शन प्रदान गरेको छ।