सैनामैना – रुपन्देहीको सैनामैना नगरपालिका-१ बनकट्टामा विङगर र फलफूल बोकेको बोलेरो जिप एकआपसमा ठोक्किँदा ८ जना घाइते भएका छन्।घाइते २ को अवस्था गम्भीर बताइएको छ
सालझण्डीबाट बुटवलतर्फ जाँदै गरेको पश्चिम नेपाल बस व्यवसायी संघको लु १ ज ४२८९ नम्बरको विङगर र बुटवलबाट पश्चिमतर्फ आउँदै गरेको लु १ च ६७४७ नम्बरको बोलेरो जिप आपसमा ठोक्किएको इलाका प्रहरी कार्यालय रन्यौरा, मुर्गियाले जनाएको छ।
इलाका प्रहरी कार्यालय रन्यौराका प्रहरी निरीक्षक आदित्य राज बिष्टका अनुसार दुर्घटनामा ६ जना सामान्य घाइते भएका छन् भने २ जनाको अवस्था गम्भीर छ।
घाइते सबैलाई उपचारका लागि लुम्बिनी प्रादेशिक अस्पताल पठाइएको छ। घटनाबारे थप अनुसन्धान भइरहेको प्रहरी निरीक्षक बिष्टले जानकारी दिएका छन्।