काठमाडौ – लोकप्रिय गायिका रचना रिमालले आफ्नी नजिककी साथी तथा दिदि एलिना चौहानलाई समर्पित गर्दै एउटा भावुक सन्देश लेखेकी छिन्। एलिनाको वैवाहिक जीवन टुंगिएपछि सार्वजनिक गरेको उक्त सन्देशमा उनले दिदी-बहिनीको अटुट सम्बन्ध, सहकार्य, र एकअर्काप्रतिको गहिरो माया व्यक्त गरेर भाबुक संदेश लेखेकी छ्न ।
रचनाले लेखेकी छिन्, “प्रिय दिदि एलिना, हाम्रो चिनजान संगीत क्षेत्रमा प्रवेश गरेपछि मात्रै भए पनि हामीबीच निकै गहिरो सम्बन्ध बनिसकेको थियो। सुरुवाती दिनहरूमा सँगै गरेका साङ्गीतिक सहकार्यहरूले हामीलाई झनै नजिक बनायो। अरूको नजरमा हामी प्रतिस्पर्धी हुनुपर्ने थियो, तर हाम्रो सम्बन्धमा कहिल्यै इर्ष्या वा प्रतिस्पर्धा महसुस भएन। केही सीमित व्यक्तिहरूले हामीबीच दुरी ल्याउने प्रयास गरे पनि त्यो सफल भएन।”
एलिनाको विवाहको प्रसंग सम्झिँदै रचनाले थपेर लेखेकी छ्न“दिदिको विवाह हुने कुरा सुनेर तपाईंले ‘रचना जसरी नि आउनु पर्छ’ भन्नुभएको थियो। त्यो सुन्दा मेरो मनमा छुट्टै उत्साह थियो। तर बिदाइको क्षण आउँदा निकै भावुक बनेँ। अङ्गालो हालेर बिदाइ गर्दा मनभरि अनेक भावनाहरू खेल्दै आएको समेत उल्लेख गरिकी छ्न ।”
उनले एलिनाको संघर्षका दिनहरू समझिदै भनिन् “अस्ट्रेलिया गएपछि उतै बस्ने कुरा सुन्दा मन भारी भयो। मैले धेरैपटक भनेकी थिएँ, ‘दिदि, नेपाल नै आउनु है, हामी मिलेर काम गर्नुपर्छ।’”
अन्त्यमा, उनले एलिनालाई आत्मबल र सकारात्मक उर्जाको शुभकामना दिँदै लेखेकी छिन्, “अब तपाईंलाई मनदेखि हासेको देख्न पाऊँ भन्ने ठूलो आशा छ। जीवनमा खुशीहरू आउँछन्-जाँछन्, तर मनको खुशी आफैले बनाउने हो। म तपाईंको शुभचिन्तक हिजो पनि थिए, आज पनि छु, भोलि पनि रहनेछु। आई लभ यु मेरी दिदि।” उनले लेखेकी छ्न ।
